အမေရိကန်ပြည်ထောင်စုရဲ့ ဒုက္ခသည်များ ပြန်လည်နေရာချထားရေး အစီအစဉ်အရ ထိုင်း-မြန်မာနယ်စပ် ဒုက္ခသည်စခန်း ၉ ခုက ဒုက္ခသည်တွေကို ထိုင်း-မြန်မာနယ်စပ် မဲဆောက်မြို့က ဟိုတယ်တစ်ခုမှာ လူတွေ့စစ်ဆေးမှုတွေ ဒီသီတင်းပတ်ထဲမှာ စတင်ပြုလုပ်မှာ ဖြစ်ပြီး အဲဒီမှာ လက်ဗွေနှိပ်တာတွေကိုပါ တခါတည်း ဆောင်ရွက်မယ်လို့ ဘန်ကောက်မြို့ အမေရိကန်သံရုံးရဲ့ ပြောဆိုချက်အရ သိရပါတယ်။
ထိုင်း-မြန်မာနယ်စပ်မှ ၈ ကီလိုမီတာအကွာတွင် ၁၉၈၄ ခုနှစ်က စတင်ပြီး မြန်မာနိုင်ငံသား စစ်ပြေးဒုက္ခသည်များအတွက် ဖွင့်လှစ်ထားသော မယ်လ ဒုက္ခသည်စခန်းကို တွေ့ရစဉ်။
အမေရိကန်ပြည်ထောင်စု အနေနဲ့ မြန်မာနိုင်ငံက ဒုက္ခသည်တွေကို ၂၀၀၅ ခုနှစ်ကစပြီး အသုတ်လိုက် ခေါ်ယူနေရာမှာ အခုဆိုရင် အမေရိကန်နိုင်ငံမှာ မြန်မာနိုင်ငံသား ဒုက္ခသည် ခုနှစ်သောင်းလောက် ရှိသွားပြီလို့ ဘန်ကောက်မြို့ရှိ အမေရိကန်သံရုံး ပြောရေးဆိုခွင့်ရှိသူ Kristin Kneedler က အာအက်ဖ်အေရဲ့ ထိုင်းနိုင်ငံရုံးခွဲ တာဝန်ခံကို အတည်ပြု ပြောပါတယ်။
အမေရိကန်မှာ နေထိုင်ဖို့ ခေါ်ယူနေတဲ့ အစီအစဉ်မှာ ဒုက္ခသည်စခန်းတွေမှာ ရောက်ရှိခိုလှုံကြသူတွေအနက် လွန်ခဲ့တဲ့ ၂၀၀၅ ခုနှစ် နိုဝင်ဘာလ နောက်ဆုံးထားပြီး ဒုက္ခသည်အဖြစ် မှတ်ပုံတင် အသိအမှတ်ပြု ခံထားရသူတွေသာ အကြုံးဝင်တယ်လို့ ဆိုပါတယ်။
RFA Burmese
RFA Burmese
Post a Comment
မှတ်ချက်ပေးချင်သော၊လူကြီးမင်းများခင်ဗျား။ ယဉ်ယဉ်ကျေးကျေးပြောစေလိုပါတယ်။လာရောက်အားပေးသော စာဖတ်ပရိသတ်တွေကိုလည်း အထူးပင်ကျေးဇူးတင်ရှိပါတယ်။