တပ်မှ
ထွက်ခွင့်ရရန် ကြိုးပမ်းနေသည့် ကလေးစစ်သား မောင်စန်းဝင်းထွဋ်
မောင်စန်းဝင်းထွဋ်၏ မွေးသက္ကရာဇ်မှာ သူ၏ ကျောင်းဝင်မှတ်ပုံတင်နှင့် အိမ်ထောင်စုစာရင်းများအရ (၁၀-၇-၁၉၉၅) ဖြစ်သောကြောင့် အသက် ၁၇ နှစ်သာ ရှိသေးသည့် ကလေးငယ်တဦးဖြစ်သည်။
သူ့အား သထုံလေ့ကျင့်ရေး (၉) မှ ဒုတပ်ကြပ် စန်းဦးဆိုသူက (၂၁-၇-၂၀၁၀) ရက်နေ့တွင် “တပ်ထဲဝင်လျင် ဆိုင်ကယ်စီးရမယ်၊ ကားမောင်းရမယ်၊ ကိုယ်ဝါသနာပါတဲ့အလုပ် လုပ်ရမယ်” ဟု မက်လုံးပေးပြောဆိုကာ တပ်ထဲသို့ ခေါ်ဆောင်သွားခဲ့ကြောင်း မောင်စန်းဝင်းထွဋ်က ပြန်လည်ပြောပြသည်။
ထို့နောက် လှည်းကူးမြို့နယ်၊ မင်းကုန်းရှိ လေ့ကျင့်ရေး (၁) သင်တန်းကျောင်းတွင် စစ်အခြေခံလေ့ကျင့်ရေးသင်တန်း တက်ခဲ့ရပြီး (၁၀-၁၂-၂၀၁၀) ရက်နေ့တွင် သင်တန်းဆင်းကာ ကိုယ်ပိုင်နံပါတ် (တ/၄၄၀၃၇၈) ဖြင့် သထုံလေ့ကျင့်ရေး (၉) တွင်ပင် တာဝန်ထမ်းဆောင်ခဲ့ရကြောင်း သူက ဆက်ပြောသည်။
ထိုသို့တာဝန်ထမ်းဆောင်စဉ် အထက်အရာရှိများ၏ နိုင်ထက်စီးနင်းလုပ်မှုများနှင့် နှိပ်စက်မှုများကို ခံခဲ့ရကြောင်းလည်း သူ၏ ပြောပြချက်အရ သိရသည်။
သထုံလေ့ကျင့်ရေး (၉) တွင် တာဝန်ထမ်းဆောင်နေစဉ် (၃၊ ၃၊ ၂၀၁၂) ရက်နေ့တွင် မိဘများထံ ပြန်လည်ရောက်ရှိလာသဖြင့် မိဘများက သူ့တို့၏သား တပ်မှထွက်ခွင့်ရရန် ကြိုးပမ်းနေခြင်းဖြစ်သည်။
Post a Comment
မှတ်ချက်ပေးချင်သော၊လူကြီးမင်းများခင်ဗျား။ ယဉ်ယဉ်ကျေးကျေးပြောစေလိုပါတယ်။လာရောက်အားပေးသော စာဖတ်ပရိသတ်တွေကိုလည်း အထူးပင်ကျေးဇူးတင်ရှိပါတယ်။