ပြည်တွင်း အလုပ်အကိုင် အခွင့်အလမ်း အလားအလာပေါ် မူတည်၍ မြန်မာလူငယ်များ၏ နိုင်ငံခြားဘာသာစကား သင်ယူခြင်းအပေါ် စိတ်ဝင်စားမှု ပြန်လည်မြင့်တက်

မြန်မာနိုင်ငံသို့ နိုင်ငံခြားရင်းနှီး မြှုပ်နှံမှုများ ပိုမိုဝင်ရောက်လာမည့် အလားအလာများနှင့် ခရီးသွား ၀င်ရောက်မှု တိုးတက်ခြင်း စသည်တို့အပေါ် မူတည်လျက် ပြောင်းလဲလာသော အလုပ်အကိုင် အခွင့်အလမ်း အနေအထားများကြောင့် မြန်မာလူငယ်တို့၏ နိုင်ငံခြားဘာသာစကား သင်ယူခြင်းအပေါ် စိတ်ဝင်စားမှု ပြန်လည်မြင့်တက်လာကြောင်း သတင်း ရရှိပါသည်။
မြန်မာလူငယ်များ၏ ဘာသာစကား သင်ယူခြင်းအပေါ် စိတ်ဝင်စားမှုသည် ပြီးခဲ့သည့်နှစ် အချို့အတွင်း ကျဆင်းခဲ့ကာ စီးပွားရေး အကျပ်အတည်းကြောင့် ပြည်ပ၌ အလုပ်အကိုင် အခွင့်အလမ်းများ ခက်ခဲလာမှု၊ ပြည်တွင်း၌လည်း ဘာသာစကားနှင့် ဆက်စပ်သော အလုပ်အကိုင် အခွင့်အလမ်းများ နည်းပါးမှုတို့ အပေါ်တွင် မူတည်ခဲ့ကြောင်း သိရှိရသည်။
“အခုက ဘာသာစကား လေ့လာတာက အကျိုးရှိတယ်လို့ လူငယ်တွေ မြင်လာကြတယ်။ ပြည်တွင်းမှာပဲနေနေ ပြည်ပကိုပဲ သွားသွား အဆင်ပြေတယ်ပေါ့။ အရင်က တော့ ပြည်တွင်းမှာလည်း အလုပ်အကိုင် အခွင့်အလမ်းကနည်းတော့ နည်းနည်းကျသွားတယ်။ အခုက တိုင်းပြည်က ပွင့်လင်းလာပြီ။ စီးပွား ရေးနဲ့ပတ်သက်တဲ့ အလားအလာတွေ ရှိလာတော့ ကိုယ့်အရည်အသွေး ကို ဖော်ပြဖို့ လိုအပ်လာတယ်လို့ မြင် လာကြတယ်”ဟု Better Life Education & Career Supporting Centre မှ ဒေါက်တာ ခင်သိင်္ဂီလှမောင်က ပြောကြားသည်။
ဘာသာစကား သင်ယူလေ့လာသူများသည် အင်္ဂလိပ်စာကိုသာ ဦးစားပေးလေ့လာကြပြီး အင်္ဂလိပ်စာ ပြီးပါက အလုပ်အကိုင်အခွင့်အလမ်းတွင် အသုံးဝင်မည့် ဘာသာစကား တစ်ခုခုကို ဒုတိယနေရာထားလျက် လေ့လာလေ့ရှိကာ လက်ရှိတွင်မူ အင်္ဂလိပ်ဘာသာနောက်တွင် အခြားသော တရုတ်၊ ဂျပန်၊ ကိုရီးယား၊ ရုရှား စသည့်ဘာသာစကားများ သည်လည်း သင်ယူရန် စိတ်ဝင်စားသူများ မြင့်တက်လာကြောင်း သိရှိရသည်။
“အင်္ဂလိပ်စာ သင်ယူတဲ့သူဦး ရေရဲ့နောက်မှာ ဘယ်ဘာသာစကား ရှိနေသလဲတော့ ပြောရခက်တယ်။ မျှနေတယ်လို့ ပြောရမယ်ထင်တယ်။ သူ့စိတ်ဝင်စားမှုနဲ့သူပေါ့”ဟု ဒေါက်တာ ခင်သိင်္ဂီလှမောင်က ပြောပါသည်။
မြန်မာနိုင်ငံသို့ ခရီးသွားဝင် ရောက်မှု တိုးတက်ခဲ့သည့် ၁၉၉၆ ခုနှစ်ဝန်းကျင်က နိုင်ငံခြားဘာသာ စကားတတ်ကျွမ်းသူများ၏ အလုပ်အကိုင် အခွင့်အလမ်းသည် မြင့်တက်ခဲ့ပြီး ယင်းနောက်ပိုင်းတွင်မူ လုပ်ငန်း အတက်အကျ များပြားခဲ့ကြောင်း၊ ၂၀၀၆ ခုနှစ်နောက်ပိုင်း ခရီးသွား လုပ်ငန်းကျဆင်းစဉ်တွင် လုပ်ငန်းခွင်မှ ဧည့်လမ်းညွှန်များသည် အလုပ်အကိုင် ပြောင်းလဲလုပ်ကိုင်ခြင်း၊ ပြည်ပသို့ ထွက်ခွာခြင်းများ ရှိခဲ့ကြောင်း သိရှိရသည်။
“စင်ကာပူထွက်သွားတဲ့သူ တော်တော်များများရှိတယ်။ ဧည့်လမ်းညွှန်ထဲက။ သူတို့တော်တော် များများ ပြန်လာကြပြီ။ အဓိကက ဧည့်လမ်းညွှန်ရဲ့ ၀င်ငွေက တစ်လ တစ်လမှာ မရဘူးဆိုရင် ရာဂဏန်း၊ ထောင်ဂဏန်းဖြစ်နေပြီ။ ဧည့်လမ်း ညွှန်တွေကတော့ ၀င်လာပြီ”ဟု Nature Dream ခရီးသွားကုမ္ပဏီမှ မန်နေဂျင်းဒါရိုက်တာ ဒေါ်စံပယ်အောင်က ပြောကြားသည်။
မြန်မာလူငယ်များသည် အင်္ဂလိပ် ဘာသာစကားကို အစဉ်အဆက် ဦးစားပေးလေ့လာခဲ့ကြပြီး ၂၀၀၀ ပြည့်နှစ်၏ အရှေ့ပိုင်းကာလများ တွင် ဂျပန်ဘာသာစကားက ဒုတိယနေရာတွင် ရှိနေခဲ့ပြီး ၂၀၀၀ ပြည့် နှစ်နောက်ပိုင်းကာလများတွင်မူ တရုတ်ဘာသာစကားသည် ဂျပန် ဘာသာစကားနှင့် အပြိုင် လေ့လာသူ မြင့်တက်လာခဲ့သည်။
လက်ရှိတွင်မူ နိုင်ငံခြားရင်းနှီး မြှုပ်နှံမှု စီးပွားရေးလုပ်ငန်းများ၊ ခရီး သွားလုပ်ငန်းများ၏ အလားအလာကြောင့် အခြားသော ဘာသာစကား များပေါ်တွင် စိတ်ဝင်စားမှု မြင့်တက်လာကာ ဘာသာစကားကျွမ်းကျင် လူငယ်ဝန်ထမ်းများလည်း လိုအပ်မှု များရှိလာပြီဖြစ်သည်ဟု သိရသည်။
“အခုကိုပဲ interpreter တွေ အရမ်းလိုလာပြီ။ FDI တွေလည်း ၀င်လာတော့ ဘာသာစကား ကျွမ်းကျင်တဲ့ ၀န်ထမ်းတွေလိုလာပြီ” ဟု ဒေါ်စံပယ်အောင်က ပြောကြားခဲ့သည်။