မန္တလေးဂေဇက် အယ်ဒီတာ့သင်ပုန်း – ၂၀၁၂ ဧပြီလ

လူမျိုးရေးနဲ့မြန်မာပြည်

တိုးသွားလိုက် ကျယ်လာလိုက်ဖြင့် မြန်မာလူမျိုးရေးအကြောင်းဆွေးနွေးကြ တိုက်တွန်းကြသည်ကို ကြားတွေ့နေရသည်။ ။ ၂၁ရာစုတွင် လူမျိုးရေးပဋိပက္ခတို့သည် ငြိမ်းချမ်းခြင်းနှင့် တိုးတက်သောနိုင်ငံတော်ဖြစ်တည်ခြင်းအတွက် ကြီးစွာသော အဟန်ု့အတားတို့ဖြစ်သည်ကိုကား သိသာနေကြမည်ထင်ပါသည်။
ယခုခေတ်တွင် မြန်မာတို့ကမ္ဘာအနှံ့ ဖြန့်ကျက်နေထိုင်နေကြကာ မြန်မာပြည်ဥပဒေပြုလွှတ်တော်တို့တွင် နိုင်ငံတကာအတွေ့အကြုံရင့်ကျက်သူ ကမ္ဘာတန်းအဆင့်ခေါင်းဆောင်ရောက်နေချိန်ဖြစ်သဖြင့် တိုင်းရင်းသား(၁၃၅)မျိုးနေထိုင်ပါသည်ဆိုသော ပြည်ထောင်စုအတွက် လူမျိုးရေးကို ကိုင်တွယ်ဖြေရှင်းရန်အသင့်လျှော်ဆုံးအချိန်ဟု ဆိုချင်သည်။
မြန်မာတို့ဘာတွေဖြစ်ခဲ့သည် ဖြစ်ဖူးသည်တို့ကို လှမ်းကြည့်လျှင် ရှေ့ဆက်၍ဘာလုပ်သင့်ကြသည်ကို ထင်ရှား မြင်သာပါလိမ့်မည်။

ကုလားမြန်မာအဓိကရုဏ်း

ပုဂံခေတ်၏ ဆေးရေးပန်းချီများတွင် မှောင်သောအရောင်၊ ပြူးသောမျက်လုံး၊ ဖြူသောအရေ။ မှေးသောမျက်ဝန်းတို့နှင့် လူပုံများလည်း တွေ့ရပေသည်။
အာသံကိုမြန်မာတို့သိမ်းခဲ့သည်။ စစ်တကောင်း၊မဏိပူရလည်း ရဖူးပါသည်။ ထိုထိုဒေသမှ လူသားတို့ မြန်မာပြည်တွင်းဆီ ဥဒဟိုဝင်ထွက်သွားလာဖူးကြပါလိမ့်မည်။ သွေးနှောအမျိုးရောကြပါလိမ့်မည်။ သူတို့သည် မြန်မာ့ဘိုးဘေးတို့ဖြစ်ကြပါလေ၏။
၁၉-၂၀ရာစုတွင် အိန္ဒိယတောင်ပိုင်းသား ချစ်တီးတို့လည်း မြန်မာ့မြေတွင်သွေးရောနေထိုင်ကာ လူမျိုးသွေးနှောအခြေချခဲ့ဖူးသည်။ မြန်မာတို့တွင် အိန္ဒိယတိုင်းသားတို့၏ ယဉ်ကျေးမှုသာမက ဇာတိသွေးတို့ပင်ရောနေသည်ကို သိသာပါသည်။
သို့သော်…
၁၉၃၀ မေလ ၂၆ ဆိပ်ကမ်းအလုပ်သမား ပြဿနာမှစပြီး ကုလား-ဗမာအဓိကရုဏ်းဖြစ်သည်။
၁၉၃၈ ဇူလိုင်လ ၂၆  တွင် “မော်လ၀ီနှင့်ယောဂီ” စာအုပ်မှ အငြင်းပွားပြီး ကုလား-ဗမာအဓိကရုဏ်းဖြစ်သည်။
၁၉၈၈၏ နိုင်ငံရေးရှုပ်ထွေးမှုမှထွက်ပေါက်ရှာ အာရုံလွှဲသည့် ဘာသာရေးအခြေခံ အဓိကရုဏ်းများတို့သည် မြန်မာတို့၏ ဆွလွယ် ကြွလွယ်သည့် ဓလေ့အကျင့်တို့အသုံးချခံခဲ့ရသည်ဟု ထင်ဟပ်ပြနေပါလေသည်။

တရုတ်မြန်မာ အဓိကရုဏ်း

ပျူခေတ်အကြောင်းများကို ဂန္ဓာလရာဇ်(စိန့်)တိုင်းသား(Chinese)တို့၏ ရှေးမှတ်တမ်းများတွင် တွေ့ကြရသဖြင့် အိမ်နီးချင်းတို့နှင့်ဆက်ဆံရေးရှည်ကြာမှုကိုသိနိုင်ပါမည်။ အနော်ရထာမင်းစော(၁၀၁၄-၁၀၇၇)လက်ထက် လွန်ခဲ့သော နှစ် ၁၀၀၀ခန့်တွင် ပုဂံပြည်သည် ကုန်သွယ်မှုဖွံ့ဖြိုးခဲ့သည်။  Sino-Indian ၏ ကုန်သွယ်လမ်းကြောင်းတခုဖြစ်နိုင်ပါသည်။ စိန့်တိုင်းကုန်သည်တို့လည်းထွက်ဝင်သွားလာ လည်ပါတ်ရင်း ပျူ-မြန်မာတို့နှင့်အကြောင်းပါအခြေချသည်တို့ရှိမည်မှာ သေချာပါသည်။
နရသီဟပတေ့မင်းလက်ထက်(အေဒီ-၁၂၈၅)တွင်ကား ပုဂံကျခဲ့ပါ၏။ ၀င်ရောက်ကျုးကျော်ခဲ့သူများမှာ မွန်ဂို( ဂျင်ဂစ်ခန်၏မြေး ကူဗလိုင်ခန်)တပ်များဖြစ်ကြသည်။၊ သိန်းချီသော မွန်ဂိုတပ်ကြီး၏လက်ကျန် မွန်ဂိုလူမျိုးများ ဧရာဝတီမြစ်တလျှောက်တွင် ချန်ရစ်အချေချနေရစ်ခဲ့မည်မှာ သံသယရှိရန်မလိုပါ။
သို့သော်…
အင်္ဂလိပ်လက်ထက် ၁၉၃၁ခုနှစ်ဇန်န၀ါရီလ ၂ရက်နေ့တွင် ရန်ကုန်ခေါက်ဆွဲဆိုင်စကားများမှုမှစပြီး တရုတ်-ဗမာ အဓိကရုဏ်းဖြစ်ခဲ့ဖူးသည်။
၁၉၆၇ ခုနှစ်တွင် မော်စီတုံးရင်ထိုးတံဆိပ်ပြဿနာမှစပြီး တရုတ်-ဗမာ အဓိကရုဏ်းဖြစ်ခဲသေးသည်။
စီးပွားရေး နိုင်ငံရေးစနစ်တို့ကြောင့်တောက်လောင်ခဲ့သော လူမျိုးနွယ်တူတို့၏ မီးပွားစ ရန်ပွဲများအကြောင်းဖြစ်ပါသည်။

မြန်မာနှင့် တိုင်းရင်းသားများ( ပြည်တွင်းစစ်)

အင်္ဂလိပ်အထွက် ဂျပန်အ၀င်တွင်လည်း မြစ်ဝကျွန်းပေါ်ဒေသတွင် ကရင်-ဗမာသတ်ပွဲဖြစ်ခဲ့ဖူးသည်။
၁၉၄၈ ခုနှစ် သြဂုတ်လ (၉) ရက်နေ့တွင် ကရင်နီ လက်နက်ကိုင်တော်လှန်ရေး၊၁၉၄၈ ခုနှစ် သြဂုတ်လ ၁၉ ရက် နေ့တွင် မွန် လက်နက်ကိုင်တော်လှန်ရေး၊ ၁၉၄၉ ခုနှစ် ဇန်နဝါရီလ (၃၁) ရက်နေ့တွင် ကရင် လက်နက်ကိုင်တော်လှန်ရေး၊ ၁၉၅၈ ခုနှစ် မေလ (၂၁) ရက်နေ့မတွင် သျှမ်း လက်နက်ကိုင်တော်လှန်ရေး၊ ၁၉၆၁ ခုနှစ် ဖေဖေါ်ဝါရီလ (၅)  ရက်နေ့တွင် ကချင်လက်နက်ကိုင်တော်လှန်ရေး တို့ဖြင့် လွတ်လပ်ပြီးတိုင်းပြည်နုလေးဝယ် လူမျိုးပေါင်းစုံတို့၏ သိုးမည်းလက်နက်ကိုင် တော်လှန်ရေးများ ထပ်ခဲ့သည်။
ပထမမြန်မာနိုင်ငံတော်ကြီးမှစ၍ အတူတကွစုစည်းထားနိုင်သော တိုင်းရင်းသားလူမျိုးကြီးများတို့သည် ဤမြေဤလေနှင့်အတူ ဘိုးဘွားစဉ်ဆက် နှစ်ထောင်ချီယှဉ်တွဲနေခဲ့ကြပြီးဖြစ်သည်။
ဗမာ့နောက်ဆုံးကုန်းဘောင်မင်းဆက်အင်ပါယာတွင် ယခုတည်နေပြီးမြေပုံအတိုင်းပါဝင်ကြပါသော်လည်း အင်္ဂလိပ်တို့ လွတ်လပ်ရေးပေးပြီးနောက် တွန်းတွန်းတိုက်တိုက်ကလေး (ထုံးစံအတိုင်း) ကျန်ရစ်အောင်ထားခဲ့ကြသည်ဟု ကမ္ဘာ့သမိုင်းပြန်လှန်လျှင်မြင်နိုင်ပါမည်။
ပထမအင်္ဂလိပ်-မြန်မာစစ်မှ ဆုံးရှုံးခဲ့သော မြန်မာပိုင်နယ်များအားထည့်တွက်ပါမူ  အင်္ဂလိပ်လက်မှနယ်မြေတိုး၍ကားမရ လျှော့ကြေးနှင့်ပြန်ရခဲ့သည်ဟုသာ ဆိုဖွယ်ရာရှိပါမည်။
မည်သို့ဆိုစေ…..
မြန်မာတို့ရသော မြေပုံသစ်သည် ရာဇ၀င်ဟောင်းမှချန်ရစ်သော တိုင်းရင်းသားလူမျိုးပေါင်း ၁၃၅မျိုးတို့၏ ဘိုးဘွားအမွေဖြစ်တော့သည်။

မြန်မာနှင့်ဗမာ

ပသင်္ဂ၀ိသောဓနီ​ကျမ်း၌ အစဉ်အတိုင်း” ဗြဟ္မာ၊ ဗရမ္မာ၊ ဘရမာ၊ ဘမာ၊ ပရမ္မာ၊ မြန်မာ”ဟု ရေးထားခဲ့ပေရာ” မြန်မာနှင့် ဗမာအတူတူသာ”ဟု ယူဆချင်မိပါသည်။

သခင်ဘသောင်းကမူ “တို့ဗမာ”ဟူသော စကားလုံးစတင်ထီထွင်အသုံးပြုခဲ့ပြီး တိုင်းရင်းသားအားလုံးကိုကိုယ်စားပြုသည်ဟု ဆိုထားခဲ့သည်။
ဗမာကို အင်္ဂလိပ်လို Burman ဟုခေါ်သောမှတ်တမ်းများ အေဒီ၁၀၀၀၀န်းကျင်ကတည်းကရှိနှင့်ပြီး မြန်မာပြည်ကို အင်္ဂလိပ်တို့ စတင်အခြေချစဉ်ခရစ် သက္ကရာဇ် ၁၆၀၀ကျော် တပင်ရွှေထီးမင်းလက်ထက်က မြန်မာတို့ကို Burman များဟု ဆိုခဲ့ကြပါသည်။
နောက်ပိုင်း ကျွန်ပြုနိုင်သောအခါတွင် Burmese ဟုတနိုင်ငံလုံးကို နှိမ်ချသုံးစွဲခဲ့ပုံပေါ်လေသည်။ -ese Suffix နှင့်အဆုံးသတ်ခြင်းတွင် လူမျိုးနွယ်တခုကို နှိမ်ချခြင်းသဘောပါလေမည်လားဟု အခြားသောဥရောပ မျိုးနွယ်စုကြီးအမည်၏ (Suffix)များနှင့်နှိုင်းယှဉ်တွေးမိဖူးသည်။  (လက်တင်ဘာသာစကား အဘိဓာန်ကိုရှု)
မည်သို့ဆိုစေ Burman မှ Burma > Burmese ဟုခေါ်သည်ကိုကား ငြင်းဖွယ်မရှိမြင်မိသည်။
မြန်မာဟူသောအမည်မှာမူ ရှေးကျောက်စာများ​၌ပါဖူးပြီး တရုတ်များက (မိယန်င်) ခေါ်ကာ ထိုင်းလူမျိုးများက “ဖမာ”ဟုခေါ်သည်ဟု သိဖူးပါသည်။
သခင်ဘသောင်း၏ “ဗမာပြည်သည် တို့ပြည်၊ ဗမာစာသည် တို့စာ၊ ဗမာစကားသည် တို့စကား၊ ဗမာပြည်ကို ချစ်ပါ။ ဗမာစာကို ချီးမြှင့်ပါ၊ ဗမာ စကားကို လေးစားပါ” ကြွေးကျော်သံသည် ဗမာလူမျိုးကြီးဝါဒအတွက် အဓိက သော့ချက်တခုဖြစ်နေနိုင်လေသည်။ အိုင်ယာလန်၏ Sinn Féin မှအခြေပြုမွေးယူလာခြင်းဖြစ်သည်ဟု သခင်ဘသောင်းက၀န်ခံထားခဲ့၏။
ဗမာကို တိုင်းရင်းသားများအားလုံးနှင့်ဆိုင်သယောင်အဆိုတင်သွင်းခဲ့ခြင်းဟု ယူဆနိုင်ကောင်း၏။ သို့သော် ထိုသို့ အတိအကျသတ်မှတ်အမည်ပြုခြင်းကပင် အမျိုးသားရေးအင်အားဖြစ်စေခဲ့ပြီး လွတ်လပ်ရေးအရယူလမ်းပေါ်တက်ခဲ့သည်ဟု ဆိုချင်ပါသည်။
မည်သို့ခေါ်ကြသတ်မှတ်ကြသည်ဖြစ်စေ တိုင်းပြည်အမည်တခါပြောင်းခြင်းသည် တိုင်းပြည်၏ ဘဏ္ဍာငွေကို များစွာဖြုန်းတီးပစ်ရာရောက်ပြီး နိုင်ငံခြားတိုင်းပြည်များ၏ သင်ရိုးစာအုပ်စာတန်းများပါ ပြင်ဆင်ရသဖြင့် ဘီလီယန်ချီသော ဒေါ်လာငွေကြေးကုန်ကျမှုဖြစ်စေသည်ကား အသေအချာပင်ဖြစ်တော့သည်။

နှစ်သစ်ဆန္ဒ

ဗမာနှင့် မြန်မာတိုင်းရင်းသားများ တန်းတူညီမျှရှိရမည်။
အကယ်ဆိုမူ ဗမာသည်လည်း တိုင်းရင်းသားတမျိုးသာဖြစ်သည်မဟုတ်လော။
လူများသဖြင့် ရေများရေနိုင် မီးများမီးနိုင်ရန်အကြောင်းမရှိ။ တိုင်းပြည်လူဦးရေ၏ ၃ပုံ၂ပုံ မျှရှိနေသော ဗမာတိုင်းရင်းသားတို့သည် လူများစုဖြစ်သည်ဟူ၍ကား ကျန်လူနည်းစုတိုင်းရင်းသားများက ( ဒီမိုကရေစီစံနစ်အရ ) အသိအမှတ်ပြုကြရမည်။
“လူမျိုးရေး”ကို “အစွန်းရောက်”ကြရန်လည်းမသင့် “တွန်းချ ဖျောက်ဖျက်ပစ်ရန်လည်း မလို”ပါ။
လူမျိုးရေးများအခြေခံကာ ပြောဆိုတိုက်ခိုက်နေကြခြင်းသည် ပြီးဆုံးနိုင်ခြင်းမရှိသော ပဋိပက္ခများကိုသာ မွေးပွားကြီးထွားစေလေသည်။
မြန်မာတို့၏သမိုင်းတလျှောက်တွင် “လွတ်လပ်ခြင်း ညီမျှခြင်း ချစ်ကြည်ခြင်း” လျှော့နည်းကင်းမဲ့ခဲ့သည်ကို တွေ့နိုင်လိမ့်မည်။
အမှားရှိလျှင်အမှန်ရှာသင့်သည်မဟုတ်ပါလား..
အမေရိကပြည်ထောင်စုတွင်နိုဝင်ဘာလကုန် (ကြာသပတေးနေ့)၌ ကျင်းပလေ့ရှိသည့် ကျေးဇူးတော်နေ့နှင့်သဘောတူနေ့ရက်မျိုးကို မြန်မာပြည်တွင်(တိုင်းရင်းသားများအပေါ်အပြန်အလှန် အသိအမှတ်ပြုကျေးဇူးတင်သည့်အနေဖြင့်)နှစ်စဉ်သတ်မှတ်ကျင်းပသင့်သည်။
လူမျိုးရေးအနေဖြင့် ကွဲပြဲဆဲရဲမဲသဲကြရန်  အချိန်ခေတ်ခါမဟုတ်တော့ပါသဖြင့် ၂၁ရာစုနှင့်အညီ မြန်မာပြည်တွင် Anti Discrimination ( လူမျိုးဘာသာခွဲခြားမှု နှိပ်ကွပ်ရေးဥပဒေ)ပြဌာန်းပြီး လူမျိုးရေးခွဲခြားကွဲပြားထိုးခွဲသူများကို ဥပဒေနှင့်အညီပြင်းထန်စွာအရေးယူသင့်ပါပြီဟု တိုက်တွန်းနှိုးဆော်လိုက်ရပါကြောင်း။    ။
မှတ်ချက်။  ။ ဧပြီလ ၂၀၁၂ မန္တလေးဂေဇက်တွင် ပုံနှိပ်ဖေါ်ပြထားသည်။