ထိုင်းနိုင်ငံ လွှတ်တော်တွင်း ညစ်ညမ်း ဓါတ်ပုံ ပြသမှု ပညာရှင် အဖွဲ့မှ စစ်ဆေးမှု ပြုလုပ်ပြီ

 လွှတ်တော် အတွင်း၌ ညစ်ညမ်း ဓါတ်ပုံကို Plasma ဖန်သားပြင်ပေါ်တွင် ပြသ ခဲ့ခြင်းနှင့် ပတ်သက်၍ CAT Telecom နှင့် ပါလီမန် အိမ်တော် IT ကျွှမ်းကျင် ပညာရှင်များ အဖွဲ့မှ ယမာန်နေ့က စစ်ဆေးမှုများ ပြုလုပ် ခဲ့ကြကြောင်း သိရှိရပါသည်။ အဆိုပါ ညစ်ညမ်း ဓါတ်ပုံသည် ပြီးခဲ့သည့် အပတ် ဗုဒ္ဓဟူးနေ့၌ လွှတ်တော် ကိုယ်စားလှယ်များ အပြန်အလှန် ဆွေးနွေးမှုများ ပြုလုပ်နေစဉ် ငါးစက္ကန့်ခန့် ပေါ်ထွက် လာခဲ့ခြင်း ဖြစ်သည်။
ဝန်ကြီးချုပ်ရုံး အိမ်တော် အရာရှိချုပ် Khamphi Ditthakorn က “မနေ့က ကျွန်တော်တို့ ကျွှမ်းကျင် ပညာရှင်အဖွဲ့ကို ဖိတ်ပြီးတော့ ဧပြီလ (၁၆) ရက်နေ့က လွှတ်တော်တွင်းမှာ ဖြစ်ပွားခဲ့တဲ့ ညစ်ညမ်းဓါတ်ပုံ ပြသမှုဖြစ်ရပ်ကို စစ်ဆေးမှုတွေ ပြုလုပ် စေခဲ့ပါတယ်။ စစ်ဆေး တွေ့ရှိချက် အရတော့ ဒီညစ်ညမ်း ဓါတ်ပုံဟာ လွှတ်တော် စတီရီယိုခန်း တာဝန်ကျ အမှုထမ်းက ထုတ်လွှင့်ခဲ့တာ မဟုတ်ဘူး ဆိုတာကို တွေ့ရတယ်” ဟု ပြောဆို သွားပါသည်။
ပညာရှင် အဖွဲ့များသည် လွှတ်တော် စတီရီယိုခန်း တာဝန်ကျ အမှုထမ်း၏ Smartphone နှင့် မိုဘိုင်းဖုန်း အပါအဝင် လွှတ်တော် ကိုယ်စားလှယ်များ၏ iPhone, Samsung Galaxy Notes, Samsung Galaxy Tabs နှင့် iPad များ အပါအဝင် Smartphone များနှင့် Tablets အများအပြားကို စစ်ဆေးမှုများ ပြုလုပ် ခဲ့ကြသည်။ တစ်နာရီကြာ နည်းပညာရပ်များ စစ်ဆေးမှုအပြီး၌ လွှတ်တော် စတီရီယိုခန်းများမှ အမှုထမ်းများမှ ပေးပို့ ထုတ်လွှင့်ခဲ့ခြင်း မဟုတ်ကြောင်း ပညာရှင်များအဖွဲ့မှ ကောက်ချက်ချခဲ့သည်။

ကျွှမ်းကျင် ပညာရှင် အဖွဲ့မှ ယမာန်နေ့က လွှတ်တော်အတွင်း
နည်းပညာ စစ်ဆေးမှုများ ပြုလုပ်ခဲ့စဉ် (ဓါတ်ပုံ - အင်တာနက်)

ပညာရှင်များအဖွဲ့မှ Samsung Galaxy Notes နှင့် Samsung Galaxy Tabs အမျိုးအစား နှစ်မျိုးသာလျှင် “All Share” ပရိုဂရာမ်ကို အသုံးပြုကာ ဒေတာ ပေးပို့မှုများကို Password မလိုအပ်ပဲ ပေးပို့နိုင်ကြောင်း တွေ့ရှိခဲ့သည်။ Samsung Devices ၏ ဒေတာ ထုတ်လွှင့်မှု signals များကို စစ်ဆေးအပြီး၌ ပညာရှင်အဖွဲ့မှ ထိုသို့ ထုတ်ဖော် ပြောကြားခြင်း ဖြစ်သည်။
သို့သော် ထိုညစ်ညမ်း ဓါတ်ပုံအား Wi-Fi system ဖြင့် ပေးပို့ကာ လွှတ်တော်ရှိ Plasma ဖန်သားပြင်ပေါ်တွင် ပြသခဲ့သူ၏ ဖုန်းနံပါတ်ကိုမူ မစစ်ဆေး နိုင်သေးကြောင်း သိရှိရပါသည်။ ထိုသို့ သဲလွန်စ ရပြီးနောက် ဖုန်းနံပါတ်နှင့် ပိုင်ရှင်ကို တစ်ရက်အတွင်း သိရှိနိုင်မည် ဖြစ်ကြောင်း ပညာရှင် အဖွဲ့မှ ထုတ်ဖော် ပြောကြားခဲ့ပါသည်။ ထိုညစ်ညမ်းဓါတ်ပုံ ပေးပို့ပြသခဲ့ခြင်းအပေါ် အတိုက်အခံ ဒီမိုကရက်ပါတီ၏ လက်ချက် ဖြစ်ဖွယ်ရှိကြောင်း ထင်ကြေးပေးနေကြသည်။

လက်သည်အဖြစ် ထင်ကြေးပေးခံရသူ ဒီမိုကရက်တစ် ပါတီ၏ ဗန်ကောက် အမတ်
မစ္စတာ Nat Bantadtan အား ညစ်ညမ်းပုံ ကြည့်နေစဉ် မှတ်တမ်း တင်ထားပုံ
(ဓါတ်ပုံ - အင်တာနက်)

ထိုကိစ္စနှင့် ပတ်သက်၍ အတိုက်အခံပါတီ ခေါင်းဆောင် မစ္စတာ အဖိဇစ် ဝေ့ချာချီဝမှ “ ကျွန်တော်တို့ပါတီအနေနဲ့ ကျွန်တော်တို့ရဲ့ ဗန်ကောက်မြို့တော် အမတ်ဖြစ်တဲ့ Nat Bantadtan ကို စုံစမ်းစစ်ဆေးမှု ပြုလုပ်ဖို့ ကြိုဆိုပါတယ်။ ဒီစုံစမ်းစစ်ဆေးမှုကို ပူးပေါင်းပါဝင် ဖို့လည်း ဗန်ကောက်မြို့တော် အမတ်ကို ကျွန်တော် ပြောထားပြီးပါပြီ။ အကယ်၍ သူလက်ချက် ဖြစ်တယ်လို့ ခိုင်ခိုင်မာမာ ပြသနိုင်ရင် ကျွှန်တော်တို့ပါတီရဲ့ စည်းမျဉ်း စည်းကမ်းများအတိုင်း အရေးယူရပါလိမ့်မယ်” ဟု ပြောဆိုသွားခဲ့ပါသည်။
ထိုအဖြစ်အပျက် ဖြစ်ပွားခဲ့သည့်နေ့၍ မစ္စတာ Nat သည် မိမိ၏ ဖုန်းပေါ်၌ ညစ်ညမ်း ဓါတ်ပုံများကို ကြည့်ရှူ့နေသည်ကို အမည်မဖော်လိုသည့် ဓါတ်ပုံသတင်းထောက် တစ်ဦးက ဓါတ်ပုံရိုက်ကူး မှတ်တမ်းတင်ခဲ့သည်။ ဖန်သားပြင်ပေါ်၍ ပေါ်ခဲ့သည့် ညစ်ညမ်း ဓါတ်ပုံမှာ တစ်ဝက်ခန့် ဝတ်လစ်စလစ် မိန်းမပျို တစ်ဦးပုံဖြစ်၍ ထိုအဖြစ်အပျက်ကြောင့် လွှတ်တော် အမတ်များ အံ့အားသင့်ခဲ့ကြပြီး လွှတ်တော် တွင်း၌ အကြီးအကျယ် ဂယက်ရိုက်ခတ်မှု ခံခဲ့ရကြောင်း သိရှိရပါသည်။

ရွှေဟင်္သာသတင်းဌာန