ရမ်းဗြဲ မြို့နယ် သပြေချောင်း ကျေးရွာမှ မသီတာထွေး မုဒိမ်းကျင့် သတ်ဖြတ်ခံရမူနှင့် ပတ်သက်ပြီး တောင်ကုတ်မြို့တွင် လုံဆော် စာများ ထွက် ပေါ်လာပြီးနောက် အဆိုပါ တိုက်ခိုက်မူ ဖြစ်ပွားခဲ့ခြင်း ဖြစ် သည်။
သံတွဲမြို့မှ ရန်ကုန်မြို့သို့ ပြေးဆွဲနေသော ရိုးမသစ္စာကားသည် ကားဂိတ်မှ ခရီးသည်တင်များ တင်ဆောင်ပြီး နေလည်(၁) နာရီ ထွက်လာကာ တောင်ကုတ်မြို့သို့ ရောက်ပြီး မြို့မှ အထွက် ၅ နာရီခန့်တွင် တိုက်ခိုက် ခံရခြင်း ဖြစ်သည်။
တိုက်ခိုက်ရာတွင် အနည်းဆုံး လူပေါင်း ၂၀၀ ခန့်ပါဝင်ပြီး ကားကိုလည်း မီးရှို့လိုက်ကြောင်း သိရသည်။
အဆိုပါ ကိစ္စနှင့် ပတ်သက်ပြီး တောင်ကုတ် ရဲစခန်းသို့ အသေးစိတ် သိရှိနိုင်ရန် ဖုံး အကြိမ်ကြိမ် ဆက်သွယ်သော်လည်း မရရှိခဲ့ပါ။
စစ်တွေမြို့တွင်လည်း ယမန်နေ့က ညက ရဲစခန်းကို လူပေါင်း (၃၀၀)က ၀ိုင်းဝန်းပြီး အရေးဆိုသော ပြဿနာ တစ်ရပ်ဖြစ်ပွားခဲ့သည်။
“ စက်ရုံစု ရပ်ကွက်မှ အောင်သန်းဝေ ဆိုတဲ့ လူတစ်ဦး နာဇီရွာဈေးမှာ ဈေးကောက်နေစဉ် ကုလားတွေ ဖမ်းဆီး သတ်ဖြတ်လိုက်တယ်ဆိုတဲ့ သ တင်းတွေ ထွက်လာတဲ့ အတွက် ရဲစခန်းကို ၀ိုင်းပြီး ဒီသတင်း ဟုတ်မဟုတ် အမြန်ဆုံး ရှင်းလင်းပေးဖို့ တောင်းဆိုကြပါတယ်” ဟု ရဲစခန်း ရှေ့ကို ရောက်နေသူ တစ်ဦးက ပြောသည်။
ရဲစခန်းကို ၀ိုင်းထားသော လူအုပ်မှာ တဖြည်းဖြည်းများလာခဲ့ပြီး နောက်ပိုင်းတွင် ရခိုင်ပြည်နယ် ၀န်ကြီး အဖွဲ့ဝင် ၀န်ကြီးတချို့နှင့် ရခိုင်တိုင်း ရင်း သားများ တိုးတက်ရေး ပါတီမှ ဒေါက်တာ အေးမောင်တို့ လာရောက် ဖြေရှင်းခဲ့ရသည်ဟု သိရသည်။
“ ပြဿနာကို ငြိမ်းငြိမ်းချမ်းချမ်း ဖြစ်အောင် ကျွန်တော်တို့ ဖြေရှင်းနေပါတယ်။ ဦးအောင်သန်းဝေ အသတ်မခံရဘူး။ ရဲစခန်းမှာ ရှိနေတယ် ဆိုတယ်လို့ သိရပါတယ်။ ဒါကို လူထု တွေကို ပြောပေမယ့် လက်မခံဘဲ ဟို ရမ်းဗြဲမှာ ဖြစ်တဲ့ ကိစ္စဘက်ကို လှည့်လာတဲ့ အတွက် လူထု ကြီး ကို ကျွန်တော်တို့ ငြိမ်းငြိမ်းချမ်းချမ်း ဖြစ်အောင် ထိန်းသိမ်းနေပါတယ်” ဟု အခင်း ဖြစ်ပွားရာသို့ ရောက်နေသော ဒေါက်တာ အေးမောင် က ပြောသည်။
ရခိုင်ပြည်နယ် ကျောက်ဖြူ၊ မင်းပြား၊ ရမ်းဗြဲမြို့များတွင် အခြေအနေမှာ ပုံမှန်အတိုင်း ရှိနေကြောင်း သိရသည်။
ဘူးသီးတောင်၊ မောင်တောနှင့် ရသေ့တောင်ဘက်တွင် အခြေအနေများမှာ ငြိမ်သက်နေသော်လည်း မောင်တောနှင့် ဘူးသီးတောင်တွင် လက် နက်ကိုင် တပ်ဖွဲ့များ အဆင်သင့် အနေအထားဖြင့် တပ်လှန့် ထားကြောင်း မောင်တော ဒေသခံ တစ်ဦးက ပြောသည်။
နိရဉ္စရာ
Post a Comment
မှတ်ချက်ပေးချင်သော၊လူကြီးမင်းများခင်ဗျား။ ယဉ်ယဉ်ကျေးကျေးပြောစေလိုပါတယ်။လာရောက်အားပေးသော စာဖတ်ပရိသတ်တွေကိုလည်း အထူးပင်ကျေးဇူးတင်ရှိပါတယ်။