မြန်မာ နိုင်ငံအနှံ့ နိုင်ငံရေးခရီးစဉ်များ သွားနေသည့် ၈၈ မျိုးဆက် ကျောင်းသားများ၏ ပထမဆုံး ပြည်ပခရီးစဉ် အဖြစ် ပြင်သစ်နိုင်ငံသို့ မေ ၂၁ ရက်နေ့ (ယနေ့) တွင် ထွက်ခွာရန် စီစဉ် ထားသော်လည်း နိုင်ငံကူး လက်မှတ် မရရှိသေးသဖြင့် ခရီးစဉ်ကို ရွှေ့ဆိုင်းလိုက်ရကြောင်း ၈၈ မျိုးဆက် ကျောင်းသား ဦးဇော်မင်းက The Voice Weekly သို့ ပြောကြားသည်။
ယင်းခရီးစဉ်တွင် ၈၈ မျိုးဆက် ကျောင်းသားများ ဖြစ်သည့် ဦးမင်းကိုနိုင်၊ ဦးကိုကိုကြီး၊ ဦးဌေးကြွယ်နှင့် ဦးဂျင်မီ စသော ခေါင်းဆောင်ပိုင်းများ သွားရောက်ရန် စီစဉ်ထားခြင်း ဖြစ်ကြောင်း ယင်းအသိုင်းအဝိုင်းထံမှ သိရသည်။
ထောက်လှမ်းရေးရုံး၏ ထောက်ခံချက်ဖြင့် သွားလာနေရသော ၈၈ မျိုးဆက်ကျောင်းသား အချို့ကို ပြီးခဲ့သည့် ဧပြီ လကုန်ပိုင်းမှ စတင်ကာ နိုင်ငံသား စိစစ်ရေး ကတ်ပြားများ ထုတ်ပေးခဲ့ကြောင်း ယင်းကတ်ပြား ရရှိခဲ့သူ တစ်ဦးက ပြောကြားသည်။
ပြီးခဲ့သည့် ရက်ပိုင်းအတွင်း ကလည်း ၈၈ မျိုးဆက် ကျောင်းသားဟောင်း တစ်ဦးကို နိုင်ငံကူးလက်မှတ် အတွက် သတင်းတပ်ဖွဲ့ (SB) မှ လာရောက် ခေါ်ယူခဲ့ခြင်းကို ဖမ်းဆီး ခေါ်ဆောင် သွားသည်ဟု သတင်းများ ထွက်ပေါ်ခဲ့ သေးသည်။
ပြင်သစ် နိုင်ငံသို့ သွားရောက်မည့် ခရီးစဉ် ရွှေ့ဆိုင်း လိုက်ခြင်းကြောင့် အခြားနိုင်ငံများသို့ သွားရောက်မည့် ခရီးစဉ်များ ကိုလည်း ရွှေ့ဆိုင်းလိုက် ရကြောင်း ဦးဇော်မင်းက ထပ်လောင်း ပြောကြားသည်။
လက်ရှိ အင်အားကြီး နိုင်ငံရေးပါတီ ဖြစ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီသည် ပြည်ပနိုင်ငံများသို့ ချစ်ကြည်ရေး ခရီးစဉ် လိုက်ပါသူများ အတွက် ရက်ပိုင်းအတွင်း နိုင်ငံကူးလက်မှတ် ရရှိအောင် လုပ်ဆောင်ပေးကာ သွားရောက် နေသကဲ့သို့ အမျိုးသား ဒီမိုကရေစီ အဖွဲ့ချုပ်သည်လည်း ပြည်ပနိုင်ငံများသို့ လေ့လာရေး ခရီးစဉ်များ သွားရောက်ပြီး ဖြစ်သည်။
The Voice Weekly
Post a Comment
မှတ်ချက်ပေးချင်သော၊လူကြီးမင်းများခင်ဗျား။ ယဉ်ယဉ်ကျေးကျေးပြောစေလိုပါတယ်။လာရောက်အားပေးသော စာဖတ်ပရိသတ်တွေကိုလည်း အထူးပင်ကျေးဇူးတင်ရှိပါတယ်။